GRATIS inngang på festivaldagen!

 

18. - 19. - 20. AUGUST 2017

KJ-Foto

Foto: Nadia Frantzen

Per Olav Alvestad, kjent frå blant anna «Ikke gjør dette hjemme» og «Newton», er årets Tomatfestival-gjest.

TUSEN TAKK TIL ALLE GODE SPONSORAR, FLINKE OG HJELPSAME

SAMARBEIDSPARTNARAR, FLOTTE UTSTILLARAR OG GLADE BESØKANDE!

Kva hadde Tomatfestivalen vore utan støtte ,- både økonomisk

og praktisk? Ingenting, faktisk.

Tomatfestivalen har eit mål om å synleggjere Finnøy og regionen rundt. – Alt frå tomatar, landbruk, havbruk og alt anna innan næringsliv og kultur.

Og me vil gjerne at folk skal busetje seg og arbeide her.

 

Me er stolte av å få vere ein del av dette fantastiske samarbeidet med Finnøy og Stavanger kommune, mange forskjellige næringar, organisasjonar og menneske! Å få vere Finnøy kommune sitt største årlege arrangement, og det heile 15 år på rad, er noko Tomatfestivalen kan takke alle desse gode medspelarane for.

Finnøy idrettslag har i alle år lagt ned ein formidabel dugnadsinnsats både før, under og etter Tomatfestivalen. Foto: Bjarte Vestbø

ToMarit har vore eit fast innslag på Tomatfestivalen i ei årrekkje. Gongkaker med tomatsyltetøy smakar himmelsk!

Foto: Bjarte Vestbø

Og så har ein alle dei flotte utstillarane frå Finnøy og regionen vår som gjer Judaberg sentrum levande og kjekt denne helga.

Tomatfestivalen ønskjer å vere ein arena for både små og store bedrifter og organisasjonar.

Knyt kontaktar, bygg nettverk, samarbeid på kryss og tvers!

 

Til sist og ikkje minst til alle besøkande på Tomatfestivalen; utruleg kjekt dykk er på Finnøy denne helga! De er alle med på å setje preg på, og å lage festivalstemning desse dagane.

Saman er dykk alle med på å gjere

Tomatfestivalhelga til ei festhelg!

-TUSEN TAKK!

Utruleg kjekt med mange besøkjande på Tomatfestivalen!

Me har det kjekt på Tomatfestival!

Foto: Bjarte Vestbø

FINNØY HØRSELLAG - RETTING

Finnøy Hørsellag, har i heftet blitt til Finnøy Helselag!

Dette beklagar me!

FINNØY HØRSELLAG er altså på plass v/ Kaihuset på Tomatfestivalen.

Her kan de få teste høyrsla dykkar!

GRATIS INNGANG OG AKTIVITETSARMBAND

For mange er Tomatfestivalen synonymt med å treffe folk, slå av ein prat med naboen

og andre ein ikkje treff så ofte lengre, ete tomatar og mykje god mat. For andre er det å vere

med på dei forskjellige aktivitetane både Tomatfestivalen og utstillarar legg til rette for.

 

I år kan ein vandre inn i Judaberg sentrum UTAN å betale seg inn. Tomatfestivalen skal vere open for alle.

Ønskjer du derimot å vere med på aktivitetar som er på festivalen, kan ein kjøpe seg eit aktivitetsarmband til 100 kr. Då kan ein vere med på dei aller fleste aktivitetane.

(Nokon vil ein framleis måtte betale for.)

 

Aktivitetsarmbandet får ein kjøpt i informasjonsteltet som ligg omtrent midt i festivalområdet. Aktivitetane som armbandet gjeld for, kjem fram i festivalheftet og på plakatar på området.

 

Tomatfestivalen ønskjer alle besøkjande ei flott helg med mange fine møte mellom folk, og kjekke opplevingar

for små og store!

Eit flott knippe blide festivaldamer samla i informasjonsteltet under Tomatfestivalen 2014. Velkommen til informasjonsteltet i 2017!

Foto: Bjarte Vestbø

FESTIVALHEFTE KAN DU FINNE HER!

Her kan ein finne info om transport, trafikkregulering og overnatting.

"FRA LUTHER MED LATTER" - Førestillinga er no UTSELT!

Det er mogleg å setja seg på venteliste i tilfelle nokon skulle melda seg av.

Send då ein epost til svanhild@ryfylkelivsgnist.no med namn og antal.

OTTOHUSET - LEIKSKULPTUR OG SANSEHAGE

16 tonn med leik og moro utanfor Ottohuset til Tomatfestivalen!

Laga av Makoto Fujiwara

LEIKSKULPTUR

I løpet av seinsommaren får Ottohuset ein ny skulptur i hagen sin. Skulpturen er ein leikeskulptur, laga av Makoto Fujiwara, og veg om lag 16. tonn! Skulpturen er meint å vere til glede for born og unge. Me gler oss!

 

SANSEHAGE

Ottohuset har i seinare tid opparbeida Sansehage på den flotte eigedomen ovanfor Rådhuset på Finnøy. Sansehagen er meint å vere til glede for alle, kanskje spesielt dei eldre, då det skal vere helsebringande for både hukommelse og humør med eldre, duftande blomar.

 

Ta deg ein tur, ung eller gamal, i Sansehagen når du vitjar Tomatfestivalen!

 

JUBILEUMSFEST – Grilling, Bål og Allsang

Me feirar! Tomatfestivalen vert i år arrangert for 15. gong!

Fredagskveld 18. august er det vestsida av Finnøy som gjeld.

På Sanse Helsegaard tennar me opp grillane og bålpannene, alt klart for ein flott og stemningsfull kveld. Ta me dykk grillmat og nyt maten ute saman med familie, vener og andre kjekke folk!

 

For dei som har vore publikum eller deltakar på Tomatoman/woman i Steinnesvåg, er det berre ein liten gåtur opp frå Steinnesvåg kai til

Sanse Helsegaard på Flesjå.

Einar Olsen frå Ekstrem Allsang sørgjer for at me får brukt stemma vår,

- nett slik den er.

Ikkje nok med at me feirar i flotte omgjevnader med bål og allsong, så kjem Tomatfestivalen sin hovudgjest, Per Olav Alvestad frå Trondheim til Finnøy denne kvelden. Her kan me berre glede oss til ei overrasking!

For dei som ønskjer å fortsetje opphaldet på Sanse Helsegaard etter jubileumsfesten, eller treng ein overnattingsplass for festivalhelga, så har Ryfylke Glamping sett opp flotte glampingtelt (luksustelt) med flott interiør på ei fin, grøn eng på Sanse Helsegaard.

Her kan ein overnatte heile helga, eller kun for ei natt.

Dette er like mykje ei oppleving som eit rom for natta.

 

www.ryfylkeglamping.no/tomatfestivalen

KUNSTUTSTILLING OTTOHUSET

"Heim"

av Roald Sivertsen (2017)

Litt opp i lia frå Judaberg sentrum, rett ovanfor Rådhuset, finn du Ottohuset som ei perle frå gamal tid. I vakre og flotte omgjevnader kan du gjennom heile året oppleve kunst frå både norske og internasjonale kunstnarar, konsertar, forfattarkveldar og andre kulturtilbod.

Under Tomatfestivalen i år, kan du blant anna nyte kunstutstillinga til utflytta finnøybu og kunstar Roald Sivertsen, gjerne med noko godt i koppen eller glaset og ei vaffel frå kafeen.

 

Roald Sivertsen er født i 1981, og oppvaksen på Finnøy.

Han er utdanna ved The Florence Academy of Art (2003-2007).

Sivertsen arbeidar i eit figurativt formspråk, og tek ofte utgangspunkt frå kvardagslege observasjonar. Til dagleg bur og jobbar Roald Sivertsen i Oslo og har med seg kunstutstillinga ”Heim” – heim til Finnøy.

Utstillinga består av nyare malerier og teikningar.

 

Velkommen til Kunstutstilling i Ottohuset!

PÅ TUR MED TOMATFESTIVALEN

Rennesøy og Finnøy Turlag har dette året merka fleire flotte turløyper rundt om i kommunen vår.

Ei av desse løypene er Kvitevik-Nordre Vignes på Finnøy. Løypa er merka med blått frå Kvitevik, rundt tuppen av Vignesneset og til Nordre Vignes. Det er mogleg å starte å gå andre vegen frå Nordre Vignes til Kvitevik.

Viss ein ikkje har bil i kvar ende, kan ein gå heile runden,

då siste del langs veg, eller tur-retur langs sjø.

Dette er ein nydeleg tur på svaberg langs sjøen, og på flotte beite.

Løypa er merka med blå steinar.

Foto: Rennesøy og Finnøy Turlag

Heile sommaren og fram til Tomatfestivalen 18. august, kan de nyte utsyn og vidsyn på Finnøy i det lyse og levande landskapet langs svaberga.

Frå 1. juni og fram til 11. august heng det ein tomatkasse med ei turbok i langs stien.

På den store festivaldagen på laurdag 19. august, blir det trekt ut to turgåarar frå turboka som vert premierte med flott lokalt handverk.

 

Tomatfestivalen oppfordrar til å snøra skoa, og ta turen i sommar!

GOD TUR!

 

Merka løype langs sjøen, og over flotte beiteområde.

RYFYLKEKOKKEN OG BORNAS MATTELT

BYGG FINNØY I PAPP!

Vår eigen Ryfylkekokken, Frode Selvaag skal i år vere med borna

å lage mat! Tomatfestivalen gleder seg stort til Frode Selvaag skal kokkelere saman med borna i Marine Harvest sitt «Bornas mattelt». Her skal borna få både sjå, lære og ikkje minst lage god sunn mat, av flotte lokale råvarer.

Frode Selvaag vart tidlegare i år kåra til årets kjøkkensjef 2017

og det var så aldeles fortent.

 

Juryen skreiv følgjande om Selvaag:

«Han er en person som legger ned masse tid med tanke på kvalitet og råvarer. Han er utrolig opptatt av faget. Lokale råvarer, kortreist (ja det skal det være), og det å fremme faget og bransjen overfor unge flotte mennesker er og blir en glede å se. Spør vi ham om å bli med på noe, så er svaret alltid JA.(Haugesunds Avis, 12.03.2017)

Ryfylkekokken har også med seg gode medhjelparar frå både gartnarnæringa, Marine Harvest og Finnøy Idrettslag.

 

Borna dykkar er med andre ord i dei beste hender!

Ein av våre hovudsponsorar køyrer i gang med flott sommarprosjekt!

 

Frå 6. august til 18. august kan du vere med å lage ditt bidrag til «Finnøy i papp»! Ladstein Bygg har alt du treng for å vere med, og kjem til å samle alle bidraga inn,

for så å stille dei ut på sin stand laurdag

19. august.

GLEDESPREIARBUKETTEN

Kven tykkje du forten ein slik flott bukett? Foto: Finnøy Blomster& Interiør

Ein kan allereie no etter to år helst sei at utdeling av årets Gledespreiarbukett i Finnøy kommune er ein tradisjon.

For tredje gong deler Finnøy Blomster & Interiør ut diplom og ein flott blomebukett til årets Gledesspreiar på Tomatfestivalen laurdag 19. august.

 

Gjennom heile sommaren og fram til og med festivaldagen

19. august, kan alle som vil vere med å nominera den ein tykkjer forten ei slik merksemd.

Det gjer ein ved å gå innom Finnøy Blomster & Interiør midt

i Judaberg sentrum.

HAR DU LYST Å VERE UTSTILLAR PÅ TOMATFESTIVALEN, MEN ENNO IKKJE MELDT DEG PÅ?

Gjer det her, innan 1. Juli

Då er du sikra å kome med i festivalheftet vårt, på kart mm.

Her på heimesida vår kan du enkelt sende søknad om utstillarplass. Trykk på den raude boksen til høgre merka «søknadsskjema for utstillarar», fyll inn naudsynte opplysningar, og trykk «send». Du vil få tilbakemelding frå oss så snart me har registret søknaden.

 

Velkommen som utstillar på Tomatfestivalen!

Foto: HB-Foto, Halvard Bøe.

Bli med på

SR-Bank SANDVOLLEYBALL-CUP 2017!

 

Labb&Line er klare til Sandvolleyballcup! Foto: Oddrun M Handeland

Nok ein gong blir det sandvolleyballcup på Tomatfestivalen! Den har vore eit fast innslag på Tomatfestivalen dei siste åra, med unntak av eit par tidlegare år. Mykje dramatikk har funne stad, intense og spanande kampar har blitt spelt, og me håpar at dette året ikkje er noko unntak!

Dei innleiande rundane startar allereie på fredagen, 18. august, med påfølgjande semifinalar og finalar på laurdagen.

Sr-Bank sponsar cupen, og stiller med kjekke premiar til vinnarane.

Om du tenkjer dette ser litt kjekt ut, -meld deg på!

Både informasjon om arrangementet og påmelding finn du her

 

TRAKTORPULLING MED FKRA – ÅRETS TOMATMEISTERMØTE!

 

Felleskjøpet Rogaland Agder er i år ein av våre hovudsponsorar, og stiller sterk på årets tomatmeistermøte!

Med seg til Finnøy har FKRA nemleg to traktorar på rundt 2.7 tonn! Desse tenkte me kunne vere ideelle til å måle krefter på vår 15. Tomatfestival!

Så her er det ikkje traktoren som dreg, det er DU! For å klare i det heile å rikke traktoren, treng ein 4 personar på kvart lag. To lag dreg kvar sin traktor, side om side, - ja, tida vert tatt…

Dei raskaste laga går vidare til semifinale og FINALE! Me får med andre ord heile FIRE Tomatmeistarar i år! Dette kan bli spanande! Tomatmeistarane får flotte premiar frå

Felleskjøpet RA.

Er du i 10. klasse eller større, -meld deg på!

Her kan ein melde seg på, anten ein er ein, to, tre eller fire. Me set saman lag der desse ikkje påmeldt på førehand.

Påmelding kan du gjere her

PS! Dette er ei UHØGTIDELEG KONKURRANSE!

 

15 år gamle Ida Sunde frå Fogn er ihuga Felleskjøpet-fan, og passar ypparleg til å promotere Tomatmeistermøtet vårt i år! Foto: KJ-foto

« NÅR DEN JORDNÆRE BONDEN VERT UTADVENDT VERTSKAP»

 

Ja, det er tittelen på årets fagdag på Tomatfestivalen fredag 18. august!

Bli med på ein fagdag utanom det vanlege!

 

Håvard Skavland er klar til å ta deg i mot på Talgje på fagdagturen fredag 18. august! Foto: Bjarte Vestbø

Ryfylke Næringshage inviterer deg ut på ein aldri så liten tur

på øyane Talgje og Finnøy der du får bli meir kjent med noko av kommunen sitt allsidige og innovative næringsliv.

Tomatfestivalen set fokus tomat, mat – og landbrukskommunen Finnøy, og målet med turen denne dagen, er å vise nokre av øykommunen sine kvalitetar og ressursar: innovasjon, skaparevne og verdiar.

Me vil gjerne ha deg med! Her kan både du lese program,-

og melde deg på fagdagen.

 

Takk for støtta!

Bifftomat

Plommetomat

Cherrytomat

Blanda småtomater

Perletomat

Samarbeidspartnerar

v/ Geir Landa

Finnøy Idrettslag (FIL)